Spatifilium-qadın xoşbəxtliyi və ya sülh zanbağı da adlandırılır. Əslində “spatifilium” sözü qədim yunan dilindən tərcümədə sülh zanbağı mənasını verir,onun belə adlandırılmasına səbəb çiçəklərinin bütün dünyada sülh rəngi olan ağ rəngdə olmasıdır. Bitki havatəmizləyici təsirə malik olduğundan bir çoxları onu ev bitkisi kimi yetişdirirlər. Bu gül çox həssas kök sisteminə sahibdir, ona görə də əgər dibçəyini dəyişmək istəyirsinizsə, bunu edərkən çox ehtiyatlı olmağınızı məsləhət görürük.Yarpaqları bir çox xəstəliklərə dözümlü olsa da, fəsil dəyişkənliyi kəskin hiss olunan yerdə yarpaqlarının uclarında dəyişiklik görə bilərsiniz.